പ്രായപൂർത്തിയാകാത്ത മകളെ ലൈംഗികതൊഴിലിന് വിധേയമാക്കിയ ദമ്പതികൾ അറസ്റ്റില്‍. ശിശുക്ഷേമ സമതിയുടെ പരാതിയെ തുടർന്നാണ് പൊലീസ് നടപടി.
മകളുടെ നഗ്നചിത്രങ്ങളും വീഡിയോകളും പകർത്തി പ്രചരിപ്പിച്ച്‌ മാതാപിതാക്കള്‍ പണമുണ്ടാക്കിയെന്നും പൊലീസ് കണ്ടെത്തി. വ്യാപാരിയും ഭാര്യയുമാണ് അറസ്റ്റിലായത്. ഇവരുടെ മകളെ ലൈംഗികത്തൊഴിലിന് വിധേയമാക്കുകയും മറ്റ് പെണ്‍കുട്ടികള്‍‌ക്കൊപ്പം മകളെയും നഗ്നയായി നിർത്തി വീഡിയോ പകർത്തി പ്രചരിപ്പിച്ച്‌ പണമുണ്ടാക്കുകയും ചെയ്തിരുന്നു. ചെന്നൈയിലാണ് സംഭവം നടന്നത്.
പ്രായപൂർത്തിയാകാത്ത കുട്ടികളാണ് ദമ്പതികളുടെ ക്രൂരതയ്‌ക്ക് വിധേയമായിരുന്നത്. പണം നല്‍കുന്നവർക്ക് വീഡിയോ അയച്ചുനല്‍കുന്നതായിരുന്നു പതിവ്. ഇതില്‍ മകളുടെ വീഡിയോ ദൃശ്യങ്ങള്‍ ഉള്‍പ്പടെ ഉണ്ടായിരുന്നു. ദമ്പതികള്‍ക്കെതിരെ പോക്സോ ആക്‌ട് പ്രകാരം പൊലീസ് കേസെടുത്തു. നിലവില്‍ ജുഡീഷ്യല്‍ കസ്റ്റഡിയിലാണ് ഇരുവരും.
ദമ്പതികളുടെ കസ്റ്റഡിയില്‍ കഴിഞ്ഞിരുന്ന മറ്റ് പെണ്‍കുട്ടികളെയും മകളെയും സുരക്ഷിത സ്ഥാനത്തേക്ക് പൊലീസ് മാറ്റി. ഇവർക്ക് കൗണ്‍സിലിംഗ് നല്‍കി വരികയാണ്. റിമാൻഡില്‍ കഴിയുന്ന പ്രതികളുടെ ഫോണ്‍ അടക്കമുള്ള എല്ലാ ഗാഡ്ജെറ്റുകളും പൊലീസ് കസ്റ്റഡിയിലെടുത്തിട്ടുണ്ട്. വിദഗ്ധ പരിശോധനയ്‌ക്കായി ഇവ ഫൊറൻസിക് ലബോറട്ടറിയിലേക്ക് അയച്ചിരിക്കുകയാണ്.