കിടങ്ങൂര്‍ -ജില്ലാ ശുചിത്വമിഷന്‍ പാമ്പാടി ബ്ലോക്ക് പഞ്ചായത്തിന്റെ സഹകരണത്തോടെ സംഘടിപ്പിച്ച ചിത്ര പ്രദര്‍ശനം കുട്ടികള്‍ക്ക് നൗവ്യാനുഭവമായി.ചേര്‍പ്പുങ്കല്‍ ഹോളി ക്ലോസ് ഹയര്‍സെക്കന്ററി സ്‌ക്കൂളില്‍ നടന്ന ചിത്ര പ്രദര്‍ശനം പാമ്പാടി ബ്ലോക്ക് പഞ്ചായത്ത് പ്രസിഡന്റ് ബെറ്റി റോയി മണിയങ്ങാട്ട് ഉദ്ഘാടനം ചെയ്തു.ഹോളിക്രോസ് ഹയര്‍സെക്കന്ററി സ്‌ക്കൂള്‍ പ്രിന്‍സിപ്പാള്‍ ഫാദര്‍ സോമി മാത്യു അധ്യക്ഷനായിരുന്നു.ബ്ലോക്ക് പഞ്ചായത്ത് സെക്രട്ടറി ജോമോന്‍ മാത്യു സ്വാഗതവും,ബ്ലോക്ക് ജി ഇ ഒ സെലിന്‍ തോമസ് നന്ദിയും പറഞ്ഞു..
ആശംസകള്‍ നേര്‍ന്നുകൊണ്ട് മുന്‍ ബ്ലോക്ക് വൈസ് പ്രസിഡന്റ് അശോക് കുമാര്‍ പൂതമന,സ്‌ക്കൂള്‍ എന്‍ എസ് എസ് പ്രോഗ്രാം കോര്‍ഡിനേറ്റര്‍ സിന്ധു റാണി, സ്‌ക്കൂള്‍ ഹെഡ്മാസ്റ്റര്‍ ഷാജി ജോസഫ്, ശുചിത്വമിഷന്‍ റിസോഴ്‌സ് പേഴ്‌സണ്‍ ഹരികുമാര്‍ മറ്റക്കര,ജോമി ജോയ് തുടങ്ങിയവര്‍ സംസാരിച്ചു.മാലിന്യമുക്തം നവകേരളം ക്യാമ്പയിന്റെ ഭാഗമായി ശുചിത്വമിഷന്‍ ജില്ലാ അടിസ്ഥാനത്തില്‍ സംഘടിപ്പിച്ച കുട്ടികളുടെ ചിത്രരചനാ മത്സത്തില്‍ നിന്നും തെരഞ്ഞെടുത്ത ചിത്രങ്ങളാണ് കാഴ്ച എന്ന പേരില്‍ ജില്ലയിലെ പ്രധാന സ്‌ക്കൂളുകളില്‍ പ്രദര്‍ശിപ്പിക്കുന്നത്.