കണ്ണൂർ: കണ്ണൂർ പന്നേൻപാറയിൽ നടുറോഡിൽ വയോധികയുടെ മാല പൊട്ടിച്ച് കടന്ന മോഷ്ടാവ് പിടിയിൽ. പന്നേൻപാറ സ്വദേശി കാർത്യായനിയ്ക്ക് നേരെയാണ് നാറാത്ത് സ്വദേശി ഇബ്രാഹിമിന്‍റെ അതിക്രമം നേരിട്ടത്.
കാർത്യായനി വീട്ടിലേക്ക് വരുന്നതിനിടെയാണ് അതിക്രമം നേരിട്ടത്. ഏറെ നേരം പിന്തുടർന്ന ശേഷമായിരുന്നു പ്രതിയുടെ ആക്രമണം എന്ന് കാർത്യായനി പറയുന്നു.
റെയിൽവേയിൽ ജോലി ചെയ്യുന്ന ഗംഗന്‍റെ വീടേതാണെന്ന് ചോദിച്ചാണ് ഇബ്രാഹിം കാർത്യായനിയുടെ സമീപത്തെത്തിയത്. എന്നാൽ അറിയില്ലെന്ന് പറഞ്ഞതോടെ മോഷ്ടാവ് കാർത്യായനിയുടെ പിന്നാലെ വരുകയായിരുന്നു.
പിന്നീട് കഴുത്തിൽ നിന്ന് മാല പൊട്ടിക്കുകയായിരുന്നു. മോഷണ ശ്രമത്തിൽ കാർത്യായനി നിലത്തുവീഴുകയായിരുന്നു.
പിന്നീട് നാട്ടുകാർ എത്തിയാണ് ഇവരെ രക്ഷിച്ചതെന്ന് കാർത്യായനി പറഞ്ഞു. നാറാത്ത് സ്വദേശി ഇബ്രാഹിമിനെ ടൗൺ പൊലീസ് അറസ്റ്റ് ചെയ്തിട്ടുണ്ട്. പ്രതി മോഷ്ടിച്ചത് മുക്കുപണ്ടമായിരുന്നു.