കായംകുളം: എക്സൈസ് പരിശോധനയിൽ മാരക രാസ ലഹരിയുമായി ഒരാൾ അറസ്റ്റിൽ. ആലപ്പുഴ സ്വദേശി കാർത്തിക് ആണ് അറസ്റ്റിലായത്. ഇയാളുടെ പക്കൽ നിന്നും 7.11 ഗ്രാം യെല്ലോ മെത്ത് എന്നയിനം മാരക രാസ ലഹരിയും 6 ഗ്രാം കഞ്ചാവും കണ്ടെടുത്തു. ആലപ്പുഴ എക്സൈസ് സർക്കിൾ ഇൻസ്പെക്ടർ ആർ പ്രശാന്തും സംഘവും ചേർന്നാണ് പ്രതിയെ പിടികൂടിയത്. രഹസ്യ വിവരത്തെത്തുടർന്ന് നടത്തിയ പരിശോധനയിലാണ് യുവാവ് പിടിയിലായത്.
അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്)മാരായ വിജയകുമാർ.പി, സി.വി. വേണു, ഈ.കെ.അനിൽ, സിവിൽ എക്സൈസ് ഓഫീസർമാരായ വർഗീസ് പയസ്, വിബിൻ.വി.ബി, സിവിൽ എക്സൈസ് ഓഫീസർ ഡ്രൈവർ വർഗീസ്.എ.ജെ തുടങ്ങിയവരും പരിശോധന നടത്തിയ സംഘത്തിൽ ഉൾപ്പെടുന്നു. ആലപ്പുഴ ജില്ലയിലെ മയക്കുമരുന്ന് ഇടപാടുകൾ നിയന്ത്രിക്കുന്നതിനായി വരും ദിവസങ്ങളിലും കർശനമായ പരിശോധന തുടരുമെന്ന് എക്സൈസ് അറിയിച്ചു.