പാക്കിസ്ഥാനെതിരെ സൈനിക നീക്കങ്ങളിലേക്ക് അടക്കം ഇന്ത്യ കടന്നേക്കും എന്ന സൂചനകള്‍ക്കിടയാണ് ഡല്‍ഹിയില്‍ ആഭ്യന്തരമന്ത്രിയുടെ ഉന്നത തലയോഗം. എന്‍ എസ് ജി, എസ് എസ് ബി, ബി എസ് എഫ് തുടങ്ങി സേനാ വിഭാഗങ്ങളിലെ മേധാവികള്‍ക്കായുള്ള യോഗത്തില്‍ ആഭ്യന്തര സെക്രട്ടറിയും ഉന്നത ഉദ്യോഗസ്ഥരും പങ്കെടുത്തു. പ്രധാനമന്ത്രിയുടെ അധ്യക്ഷതയില്‍ നാളെ കേന്ദ്ര മന്ത്രിസഭായോഗം ചേരാനിരിക്കെയായിരുന്നു ആഭ്യന്തരമന്ത്രാലയത്തിന്റെ ഉന്നത തലയോഗം.