തനിക്കെതിരെ ഫെയ്‌സ് ബുക്ക് പോസ്റ്റിന്റെ പേരില്‍ വീണ്ടുമൊരു അന്വേഷണം തുടങ്ങാന്‍ ശ്രമിക്കാതെ പ്രശ്‌നങ്ങള്‍ അവസാനിപ്പിക്കണം എന്നും പ്രശാന്ത് ആവശ്യപ്പെടുന്നു. അച്ചടക്ക നടപടിയുള്‍പ്പെടെ സര്‍ക്കാര്‍ നടപടികളെ പ്രഹസനം എന്നാണ് പ്രശാന്ത് വിശേഷിപ്പിച്ചിരിക്കുന്നത്. ചട്ടങ്ങളും നിയമങ്ങളും സര്‍ക്കാറിനും ബാധകമാണെന്നും പ്രശാന്ത് ഓര്‍മിപ്പിക്കുന്നു. ഞാനിതുവരെ സര്‍ക്കാരിനെതിരെ ഒരു കേസും കൊടുത്തിട്ടില്ല. അതിന് ദയവായി സാഹചര്യം ഒരുക്കരുത് എന്നാണ് പ്രശാന്തിന്റെ വാക്കുകള്‍.