അടുത്തടുത്തായി ഫാക്‌ടറികളും വെയർഹൗസുകളും സ്‌ഥിതി ചെയ്യുന്ന വ്യവസായ മേഖലയാണിത്. ഉടൻ സ്ഥലത്തെത്തിയ സിവിൽ ഡിഫൻസ് തീ നിയന്ത്രണവിധേയമാക്കി. കൂടാതെ, ഈ ഭാഗത്തേയ്ക്കുള്ള വാഹനങ്ങളെ വഴിതിരിച്ചുവിട്ടു. അഗ്നിബാധയുടെ കാരണം അന്വേഷിക്കുന്നു.
കഴിഞ്ഞ ദിവസങ്ങളിൽ ഷാർജയിലും ദുബായിലും അഗ്നിബാധകൾ റിപ്പോർട്ട് ചെയ്തിരുന്നു. ഷാർജ അൽ നഹ് ദയിൽ തീ പിടിച്ച ബഹുനില കെട്ടിടത്തിന്റെ മുകളിൽ നിന്ന് ചാടിയ 4 ആഫ്രിക്കൻ യുവാക്കൾക്കും ഇത് കണ്ട് ഹൃദയാഘാതമുണ്ടായ പാക്കിസ്ഥാനി സ്വദേശിക്കും ദാരുണാന്ത്യവുമുണ്ടായി.